ÞVÖRUSLEIKIR VEIT AÐ HANS BÍÐUR ÞVARA SEM HANN FÆR AÐ SLEIKJA BARA

Þvörusleikir kom til byggða í nótt og hafði víst í nógu að snúast. Hann fékk þó góðgæti á nokkrum bæjum allavega fannst ein þvara ofan í Rice Krispís pakka í ónefnum húsi á Ísafirði. Þrátt fyrir annasama nótt mætti Þvörusleikir galvaskur í Tjöruhúsið í bítið og tók þátt í ævintýri bræðra sinna í jólaleikritinu Jólasveinar Grýlusynir sem krakkarnir á Eyrarskjóli sáu í morgun. Ævintýrið heldur áfram um næstu helgi en þá verður sýnt bæði á laugardag og sunnudag og hefjast sýningarnar klukkan 14. Miðasala er í fullum gangi á heimasíðu Kómedíu www.komedia.is Þvörusleikir syngur í leikritinu skemmtilega vísu sem er á þessa leið:

Þvörusleikir er nafnið mitt.

Ég dunda mér reyndar við þetta og hitt.

En mest þykir mér þó gaman,

þegar margir koma saman

og elda sér mat í potti,

þá fylgist ég með og glotti.

Ég veit þá að mín bíður þvara

sem ég fæ að sleikja bara

því ég heiti Þvörusleikir.

Athugasemdir

[Ágúst G. Atlason (IP-tala skráð) 15.12.2008 kl. 13:28]

Takk fyrir mig í gær, frábær sýning.

Hérna eru myndirnar:

http://gusti.is/ljosmyndir/syrpur/145/

[Elfar Logi Hannesson, 15.12.2008 kl. 13:54]

takk sömuleiðis meistari, alltaf gaman að fá þig í leikhúsið