HETJUR GEGGJUÐ LEIKSÝNING

Kómedíuleikarinn var veðurteptur í borginni um daginn og skellti sér í leikhús, aldrei þessu vant (er óttalega óduglegur við að kikka á sýningar - uss, ekki segja neinum samt). Fyrir valinu var leikurinn Hetjur eftir Gerald Sibleyras í Borgarleikhúsinu. Hér er á ferðinni frábært leikhúsverk þar sem textinn og efni leiksins er í aðalhlutverki, í stað tæknibrellna og undarlegra músík atriða einsog oft er og vill verða í okkar leikhúsi í dag. Já svona óþarfa pjátur og pjatt. Persónur leiksins eru aðeins þrjár en allar dregnar upp mjög skýrt og frábærlega vel túlkaðar. Leikmyndin er einföld en táknræn - semsagt ekta leikhús - satt og einfalt. Senuþjófur sýningarinnar er án efa Sigurður Skúlason sem fer á kostum og vinnur stórkostlegan leiksigur. Allir á Hetjur í Borgó - alvöru leikhús.

Athugasemdir

[Marta, 7.2.2008 kl. 19:51]

Sigurður Skúla er frábær leikari. :) Leiðinlegt samt hvað fáir vita hver hann er.

[Elfar Logi Hannesson (IP-tala skráð) 8.2.2008 kl. 12:29]

Já Siggi er flottur einn af þeim sem klikkar aldrei er t.d. frábær í kvikmyndinni Hafið