KÓMEDÍULEIKARINN Í BÍÓ

Í kvöld verður kvikmyndin Heiðin eftir Einar Þór Gunnlaugsson frumsýnd í Háskólabíói. Kómedíuleikarinn er meðal leikenda í ræmunni og leikur þar sínar frægu fimm mínútur en svo skemmtilega vill til að það er klassísk lengd hjá honum á hvíta tjaldinu. Fyrri fimm mínútna afrek kappans í kvikmyndaheiminum eru í myndinni Fiasko og Allir litir hafsins eru fallegir. Í Heiðinni leikur Kómedíuleikarinn starfsmann á bílaverkstæði og finnst mörgum það kannski soldið skondið þar sem leikarinn er nú frægur fyrir sína þumalputta og getur varla skipt um dekk, en þetta er nú bara bíó. Fleiri fréttir af kvikmyndaferli þess Kómíska er að hann hefur þegið boð um að leika í sjónvarpsmynd, má ekki segja hvað hún heitir á þessu stigi, sem verður tekin upp á Vestfjörðum í sumar. Og hvað haldiði þar mun hann birtast í upphafs og lokaatriði myndarinnar sem mun telja um fimm mínútur, já það er ekkert verið að bregða útaf vananum. Allir í Háskólabíó í kvöld og næstu kvöld.

KÓMEDÍUBRÓÐIRINN MEÐ HEIMASÍÐU

Kómedíubróðirinn, Þórarinn Hannesson en er á Kómísku alltaf kallaður Cábojinn, sem býr á Sigló er með flotta heimasíðu sem ég hvet ykkur til að kikka á hér er slóðin

http://www.123.is/toti7

 Þann 26 mars hefur síða Cábojsins verið ár í loftinu og hann setur markið á að þá séu heimsóknir orðnar 7000 vantar sodlið uppá það þegar þetta er párað segir mælirinn 6542. Væri nú gaman að ná þessu því svo skemmtilega vill til að happatala hans er einmitt sjö, hann spilaði alltaf í treyju númer sjö í boltanum, hélt með Kevin Keeagan og síðan Kenny Daglish sem spiluðu einmitt í treyju númer 7. Hinn síðari ár hefur Kómedíubróðirinn hins vegar haslað sér völl sem trúbadúr með góðum árangri og hefur gefið út eina þrjá geisladiska og er hægt að panta þá á margnefndri heimasíðu kappans. Endilega kikkið á Cábojinn á Sigló.

STÓRTÍÐINDI

Þetta er bara frábært engin ástæða til að vera geyma gömul íslensk sjónvarpsverk ofan í kassa. Það er til fullt af merkilegum verkum þarna t.d. Maður og kona svo maður byrji langt aftur þar sem Brynjólfur Jóhannesson fer á kostum sem Séra Sigvaldi. Aðeins nær okkur í tíma þættirnir...æi hvað heita þeir nú aftur gerðust í nokkrum íbúðum og voru með Arnari Jónssyni og Júlla Brjáns ofl...oh þoli ekki þegar ég man ekki nöfn á verkum...vonandi man þetta einhver og þá segir maður...já auðvitað alveg einsog í Gettu Betur. Þetta eru sannarlega stórtíðindi úr Efstaleitinu - væri t.d. gaman að hafa svona Kikkað í gullkistuna aðra hvora viku þar sem gamalt íslenskt sjónvarpsefni er sýnt.

RÚV semur við félög leikara og tónlistarmanna

FRÁBÆR HUGMYND - MEIRA SVONA

Þetta líst Kómedíuleikhúsinu sérlega vel á enda verið ávallt ákafur talsmaður þess að auka þurfi atvinnulistir á landsbyggð. Möguleikarnir á landbyggðinni til handa listafólki eru svo rosalega margir. Víða eru húsnæði einsog einmitt þetta á Skagaströnd sem bíða eftir nýju hlutverki einsog t.d. á Bíldudal þar er gamla sláturhúsið sem stendur autt en er flott hús og væri einmitt tilvalið í Listasetur með vinnustofum fyrir listamenn staðarins og ekki síður þá sem ákveða að setjast að í þorpinu og sinna verkum sínum þar. Fyrir nokkrum árum var nú Kómedíuleikarinn ásamt félaga sínum með svoddan hugmynd á Bíldudal og kynntu þeir hana meðal annars í fjölrituðu listablaði sem þeir gáfu út og nefndist Menning. Þetta var ef ég man rétt árið 1990 og voru þeir félagar þá að fást við kvikmyndagerð og höfðu þá gert eina mynd Týndu hetjurnar. Þeim fannst því tilvalið að næsta skref væri að reisa kvikmyndaver sem einnig væri Listamiðstöð með vinnustofum. Húsnæðið sem þeir höfðu í huga var hið sögufræga hús Matvælaiðjan á Bíldó þar sem framleiddar voru hinar frægu Handsteiktu kjötbollur og Bíldudals Grænar baunir. Kómedíufrúin var fengin til að teikna húsið upp með allt þetta í huga og koma þetta var flott út en því miður varð ekkert úr framkvæmdum enda framleiddu þeir ekki aðra ræmu. En gaman að sjá að nú tæpum 20 árum síðar sé þetta einmitt að gerast. Atvinnuleiklist á landsbyggð á framtíð fyrir sér og nú er það hlutverk ríkisvaldsins að aðstoða með alvöru hætti við að gera þetta - setja alvöru monnýpeninga í málið og stígum skrefið til fulls. Kómedía er alveg sannfært um að mikil áhugi er meðal listamanna að starfa á landsbyggðinni.

Frystihúsi breytt í vinnustofur listafólks

OH EF ÉG ÆTTI BARA 8 MILLUR DALA

Pollock var alveg geggjaður listamaður og ef maður ætti nú bara átta millur dala hefði maður ekkert á móti því að hafa eitt stykki Pollock á veggnum hér í túninu heima. Reyndar verð ég að viðurkenna að ég er byrjandi í Pollock deildinni eða bara frá því ég sá myndina um hann þar sem Ed Harris fer á kostum sem slettulistamaðurinn, skrítið með Harris afhverju sér maður ekki fleiri myndir með honum einn af þessum geggjuðu leikurum. Gaman að lesa líka um það að uppgangur sé í listaverkabisnessnum vona að það komi aftur hér á landi líka en skilst að það sé smá dávn tími núna sem þýðir reyndar að þá er rétti tíminn til að kaupa. En vandamálið er hinsvegar að nú eiga flestir lítið af monnýpeningum - jú jú þetta fylgist allt að.

Verk eftir Pollock selt á 8 milljónir dala

SÓL Á ÍSÓ

Verð bara að láta ykkur vita að því ekki að þetta séu eitthvað nýjar fréttir en það er sól og geggjað veður á ísó núna í dag. Í gær var líka rosa flott veður því ísóveðrið er alltaf fjölbreytt og listrænt. Rétt samt að taka það fram líka að það er góður skíðasnjór og við stefnum að því að halda honum aðeins lengur þrátt fyrir allt sólskinið því í næstu viku hefst hin árlega og stórmerkilega Skíðavika hér á Ísó. Síðustu ár hefur verið alltof mikið sólskin og því ekki hægt að skíða á Skiðaviku en núna verður það sko bæði sólskin og skíðasnjór. Dagskrá Síðavikunnar er að vanda mjög glæsileg og tekur Kómedíuleikhúsið að sjálfsögðu þátt í gleðinni. Má gjarnan nefna þetta Leikhúspáska á Ísó því alls verða þrjár Kómíska sýningar en sýnt verður í Tjöruhúsinu í Neðstakaupstað. Á föstudaginn langa verður Dimmalimm sýnt kl. 14. og tveimur tímum síðar stígur útlaginn Gísli Súrsson á sviðið. Dimmalimm verður sýnt aftur á fjölunum á Páskadag kl.14. Miðasala hafin á heimasíðu Kómedíu www.komedia.is Annars bara allt í Kómískt gott að frétta í gær var Kómedíuleikarinn í stúdíó RÚV á Ísó við upptökur á nýjum útvarpsþætti fyrir Rás eitt sem hann gerir í samvinnu við Jónu Símoníu Bjarnadóttur. Þátturinn heitir Hátíð hátíðanna og verður fluttur á Skírdag kl.14.00 á Rás Eitt.

Gísli Súri verður á Skíðaviku á Ísó

JESÚ ROKK VAR BARA GOTT ROKK EN EKKERT LEIKHÚS

Kómedíuleikarinn skellti sér á Jesús Krist ofurstjörnu í Borgó um daginn. Flott hljómsveit, góður söngur en ekkert leikhús. Samt flottir tónleikar og mætti alveg auglýsa sjóvið þannig svona til að kalla hlutina réttum nöfnum. Á örugglega eftir að ganga lengi sérstaklega ef þessi breyting verður gerð.

KÓMEDÍULEIKARINN FÉKK MENNINGARVERÐLAUN DV

5 mars er sannarlega gleðilegur dagur fyrir Kómedíuleikarann. Fyrst ber að nefna að yngsta prinsessan hans, Alda Iðunn, á afmæli í dag er sko orðin 6 ára. Alvöru prinsessa. Og svo voru líka Menningarverðlaun DV afhent núna seinnipartinn í dag. Afhendingin fór fram á Hótel Borg sem verður nú að segjast einsog er að er einhvernvegin voða menningarlegur staður, einhver svona sjarmi sem ekki er hægt að lýsa. Nema hvað - Kómedíuleikarinn fékk Menningarverðlaun DV í netkosningu sem efnt var til. Það verður nú að segjast einsog er að þetta kom Kómedíuleikaranum alveg í opna skjöldu hann var nærri búinn að missa Spriteglasið í gólfið þegar þetta var tilkynnt. Það er alveg frábært að fá þessi Netmenningarverðlaunfrá landsmönnum og greinilegt að fólk fílar Act alone. Þúsund þakkir til allra. Nú höldum við bara áfram að byggja upp Act alone og gerum hana að enn stærri hátíð. Hlakka til að sjá ykkur á Act alone 2008 sem verður haldin dagana 2. - 6. júlí. Þið eruð best.

VAR ROOSEVELT GÍSLI SÚRSSON Í FYRRA LÍFI

Í gær greindum við frá skondnu atviki í tengslum við Gísla Súra í Keflavík en það gerðist fleira á þeim góða stað. Þegar búið var að ganga frá leikmyndinni var boðið uppá kaffi á kaffistofu skólans. Mikið er nú kaffisopinn alltaf góður og það verð ég að segja að Bragakaffi er.....nei nei höldum heldur áfram með söguna. Í mörgum óspurðum fréttum sem þar voru sagðar voru rædd tengsl Franklin Roosevelt fyrrum Bandaríkjaforseta við Gísla sögu Súrssonar. Forsetinn sá var víst mikill áhugamaður um Íslendingasögurnar einsog reyndar fjölmargir aðrir já það er alveg ótrúlegt hve þetta er geggjuð smiðja ég held svei mér þá að engin skáldskaparjöfur eigi eftir að toppa þessar sögur ekki einu sinni Arnaldur og ekki heldur Gryðir en báðir eru þó flunkuklárir pennar. En aftur að Roosevelt og Íslendingasögunum. Þegar hann var spurður hver væri uppáhaldssagan sín sagði hann án þess að pæla - ,,Gísla saga Súrssonar" og ekki nóg með það heldur toppaði hann sjálfan sig með því að segja. ,,Og ég var Gísli Súrsson í fyrralífi."

Þá vitum við það.

GÍSLI SÚRSSON Í STAR WARS

Í morgun sýndi Kómedíuleikhúsið verðlaunaleikinn Gísla Súrsson í Myllubakkaskóla í Reykjanesbæ en þessa dagana er sá Súri einmitt á ferð og flugi milli skóla fyrir sunnan. Það var alveg feikilega gaman og mikið stuð í morgun og krakkarnir voru sko að fíla Gísla en það hafa líka allir hinir gert en sýningin er nú að nálgast 170 salíbunur. En samt hefur sá Kómíski alltaf jafn gaman að því að leika ævintýri útlagans enda verður það þannig að vera ef leikarinn hefur ekki gaman þá á hann bara að fara að gera eitthvað annað. Á skólasýningum gerist oft margt skondið en þó held ég að aldrei hafi það verið eins óvænt og núna í morgun. Reyndar gerðist þetta eftir sýningu. Kómedíuleikarinn stendur þarna á sviðinu í fornmannabúningnum og þar sem hárið er orðið nokkuð mikið verður hann að hafa teygju í hárinu. Nema hvað á sama stað og leiksýningin fer fram er einnig matsalur skólans. Þeir sem nú eiga að fá að snæða voru ekki á sýningunni og þurftu því margs að spyrja og var reynt að svara sem best og skilmerkilega. Allt í einu stekkur einn sprækur drengur inní salinn alveg á hlaupunum. Snarstansar þegar hann sér Kómedíuleikarann á sviðinu í formannadressinu og með teygjuna í hárinu og segir: Hva, á að fara að sýna Star Wars?"

Þetta verður varla toppað.