TIL HAMINGJU GRINDAVÍK

Gleðifréttir berast nú frá Grindavík. Þar hafa heimaleikarar bæjarins, þeir Bergur Þór og Víðir Guðmundsson, stofnað atvinnuleikhús er nefnist GRAL eða Grindvíska atvinnuleikhúsið. Kómedíuleikhúsið fagnar þessu framtaki sérstaklega og bíður GRAL velkomið í hóp atvinnuleikhúsa á landsbyggðinni. Sem þýðir að nú eru atvinnuleikhúsin á landsbyggðinni orðin fjögur: Kómedíuleikhúsið á Ísafirði, Frú Norma á Egilsstöðum, GRAL í Grindavík og loks Leikfélag Akureyrar. Nú er að vona að stjórnvöld fylgi straumnum og þessari merkilegu stefnu í íslensku atvinnuleikhúsi á landsbyggðinni. Það kæmi Kómedíuleikaranum ekki á óvart að innan skamms spretti upp annað atvinnuleikhús á landsbyggðinni bara spurning hvar??? Semsagt stór dagur í sögu atvinnuleikhúsa á landsbyggðinni, til hamingju Grindvíkingar.

AFHVERJU EIGUM VIÐ EKKI BJÖRNSSON LEIKHÚS EÐA STEINSSON LEIKLISTARHÁTÍÐ

Alltaf gaman að bera okkur saman við heiminn. Hvað höfum við ekki það sem hinir hafa? Sérrílagi gaman að kikka á menninguna og listirnar. Enda hefur verið nokkur umræða um það síðustu daga hvað varðar fjárframlög til listar á vegum Menntamálaráðuneytis íslenska samanborið við nágrannalöndin. En ekkert um það hér. Það sem mig  langaði að nefna er það hve leikskáldum er hampað mikið í úttlöndum svo mikið að leikhús eru nefnd eftir þeim og heilar leiklistarhátíðir eru nefndar eftir þeim. Þannig eru til nokkur Beckett leikhús og líka festivöl, Ibsen festival er haldin í Noregi og síðast en ekki síst er það lord leikskáldanna sem er að vanda sigurvegarinn með nokkur festivöl og leikhús. Þó leikhúsin séu nefnd eftir ákveðnu skáldi þýðir það ekki að það sé eingöngu að sýna verk eftir viðkomandi skáld, nei nei síður en svo. Algengt er að það sé kannski bara ein uppfærsla á leikárinu úr þeim ranni og svo koma hin verkin frá öðrum skáldum. Hvað leiklistarhátíðirnar varðar þá eru þær hinsvegar oft undirlagðar undir verk viðkomandi höfundar en þó ekki algilt. Það væri nú gaman ef við hefðum eitthvað svona og þá sérstaklega leiklistarhátíð. Væri nú gaman að vera með Björnsson festival þar sem sýnd væru leikverk meistara Odds Björns, eða Jóhann Sigurjónsson festival sjá FjallaEyvind, sem ég hef nú aldrei séð á sviði, og Galdra-Loft, og í tilefni af Sólarferð, Guðmundar Seinssonar festival væri nú ekki amalegt að fá tækifæri til að sjá verk íslenskra skálda með svona þema festivölum. Hvað Steinsson varðar þá hef ég bara séð eitt stykki eftir hann Brúðarmyndin sem sýnd var í Þjóðleikhúsinu, hef hinsvegar lesið flest verk hans enda voru þau gefin út í glæsilegri heildarútgáfu fyrir nokkrum árum. Hey, nú dettur mér í hug hvernig við gætum gert þetta. Höldum árlega leiklistarhátið en árlega skipt um leikskáld. Sting uppá að byrja á Jökuls Jakobssonar festivali - væri gaman að fá tækifæri til að sjá Hart í bak, sem ég hef aldrei séð, Pókók ofl ofl....Já, mikið væri nú gaman að gera þetta.....

ER ÞORPIÐ BESTA LJÓÐABÓK ALLRA TÍMA?

Kómedíuleikarinn liggur í ljóðum þessa dagana og þykir það nú ekki slæmt. Enda er ljóðið galdur sem getur tekið þig hvert sem er. Er reyndar að viða að sér ákveðnum ljóðum fyrir útvarpsþátt sem hann er að gera fyrir Rás eitt og verður fluttur um páskana. Í morgun hefur Þorpið eftir Jón úr Vör verið á skrifborðinu. Þetta er náttúrulega alveg geggjað rit hver smellurinn á fætur öðrum Lítill drengur, Uppboð, Hvar er þín trú, Ólafur blíðan, ofl ofl já eiginlega bara öll ljóðin eru meistaraverk. Lýsing hans á æskuþorpinu eru stórkostleg og það merkilega er að lýsingin á ekki bara við þorpið sem um er talað Patró heldur getur þetta verið hvaða þorp sem er á Íslandi, Bíldudalur, Þingeyri, Bakkafjörður eða Skagaströnd. Og pælið líka í því að þessi lýsing á þorpunum á ekki síður við í dag þar sem enn liggur straumurinn suður einsog segir t.d. frá í ljóðinu Frelsari minn: Jesús Kristur skorinn í tré er kominn í Forngripasafnið fyrir sunnan. Kómedíuleikarinn hefur nú stundum velt því fyrir sér að gaman væri að færa Þorpið á leiksvið og kannski hann láti bara verða að því. Allavega er Þorpið aftur komið á framtíðar verkefnalistann - óskalistann ölluheldur. En þá er bara spurningin eftir allt þetta lof á Þorp Jóns úr Vör. Er Þorpið besta ljóðabók allra tíma??

P.s. uppáhalds ljóðbók Kómedíuleikarans er Yfir heiðan morgun eftir Stefán Hörð og hefur verið það í tæpa tvo áratugi. Reyndar er verkið svo heilagt fyrir honum að hann hefur ekki þorað að líta í bókina síðasta áratuginn - hræddur um að skemma eitthvað.

JA HÁ ÁHUGAVERT SCARLETT BOWIE OG WAITS

Þetta verður ábyggilega mjög intresant verk og hvað þá sem fyrsta verk í músíkinni. Veit nú ekkert um músík hæfileika frú Scarlett Johansson en hitt veit ég að Bowie er bara snillingur og Waits líka. Það er líka alltaf viðburður að heyra í Bowie og hvað þá hvernig hann muni tækla Waits. Bíð spenntur.

Bowie hjálpar Scarlett

AFGANGAR Á ÍSAFIRÐI

Kómedíufrúin, Billa, hefur opnað myndlistarsýningu á Ísafirði. Sýningin er í Hamraborg, bestu sjoppunni á Ísó mikil hugsjónarverzlun, í hjarta Ísafjarðar og stendur sýningin í mánuð. Þetta er 12 einkasýning Kómedíufrúarinnar og nefnist hún Afgangar. Myndirnar eru samansafn nokkurra einkasýninga listakonunnar í gegnum árin. Kómedíufrúin hefur vakið athygli fyrir pennateikningar sínar enda eru hér á ferðinni geggjuð listaverk. Til gaman má geta þess að listaverkin á kápu hljóðbóka Kómedíuleikhússins eru einmitt pennateikningar frúarinnar. Semsagt allir að kikka í Hamraborg á Ísó og þeir sem eiga monnýpeninga mega alveg kaupa mynd og styrkja um leið listakonunna Kómísku.

ALVÖRU GRÍNARAR

Já ég sagði það einu sinni og segi það enn Monty Python eru bestir. Enda á maður ekki að skjóta ....einsog sumir gera stundum. Ein pæling Eric Idle er með sólo sýningu sem hann hefur verið að sýna út um allt og meira að segja hefur verið gefin út bók um leikinn ef ég man rétt. Væri nú sneddí að fá hann hingað...hey já getum við ekki talað við aðdéndur Python no 1 á Íslandi KB banka...

Monty Python gerir ekki grín að Spears

OH VIÐ HÖFUM ÞÓ GÖMLU MEISTARAVERKIN OG VERÐUM ÞÁ EKKI FYRIR VONBRIGÐUM

Kómedíuleikarinn heldur uppá Löggugrúbbuna og þá ekki síst lögreglustjórann sjálfan, Sting. Já ég veit að hann fer í taugarnar á morgum t.d. alltaf verið að skella einhverjum jógabrandörum á hann einsog t.d. í hinni afarslöppu teiknimynd Sænfeld Bee Movie. Police plöturnar eru náttúrulega alveg geggjaðar held mest uppá þessa með skrítna nafninu, Zenyatta Mondatta, við getum því alveg duddað okkur við að hlusta á Lögguplötunar sem eru alls fimm ef ég man rétt. Allt flottar skífur og því allt í lagi þó það komi ekki ný plata við verðum allavega þá ekki fyrir neinum vonbrigðum. Hvað sóló skífur stjórans varðar sem maður hefur einmitt stundum orðið fyrir vonbrigðum þá er ...Nothing Like the Sun oftast undir geislanum.

Police ætlar ekki að gefa út hljómdisk

ALLIR Í BÍÓ Á EGILSSTÖÐUM

Frábært framtak hjá Kristínu og austan mönnum og konum. Listahátíðir á landsbyggð er nokkuð sem framtíð er í og ættu stjórnvöld að pæla soldið í því og setja miklu meiri monnýpeninga í þessar hátíðir. Nú þegar eru fjölmargar veglegar listahátíðir haldnar á landsbyggðinni einsog leiklistarhátíðin Act alone, Við djúpið og Aldrei fór ég suður en allar þessar hátíðir eru haldnar á Vestfjörðum. Þá eru allir hinir landshlutarnir eftir Þjóðlagahátíð fyrir norðan kvikmyndahátíð fyrir austan osfrv. Já það er sannarlega ástæða til að fylgjast vel með listahátíðunum á landsbyggðinni hér eru á ferðinni verkefni sem eru sannarlega nýsöpun og um leið atvinnuskapandi einmitt á þeim stöðum sem skórinn hefur kreppst alltof mikið síðustu ár.

Alþjóðlegur listvafningur á 700IS í mars

TAKK GRÍMUR

Það var lagið Grímur - já þeir kunna það fyrir vestan. Ef Örlygur klikkar reddar þú þá ekki Dylan líka??? Þar á eftir væri svo gott að fá Tom Waits......

Clapton með tónleika á Íslandi

STÓRLEIKARI KVEÐUR

Roy Scheider var einn af þessum gæða stórleikurum Hollywoodborgar sem stóð alltaf fyrir sínu. Hann var hinsvegar ekkert á hverjum degi í séð og heyrt ritunum og því kannski minna þekktur vegna þess. Það er að sjálfsögðu hlutverk hans í Jaws sem stendur uppúr enda eldist myndin vel fyrir utan reyndar ókindina sjálfa sem þykir frekar gerfileg í dag. Myndir hans lifa áfram og eiga eftir að dafna vel og lengi og halda nafni Roy Scheider uppi um ókomna tíð.

Roy Scheider látinn