Bæjar- og listahátíðir á Vestfjörðum í sumar

Það ætti engum að þurfa að vanta eitthvað að gera sem heimsækir Vestfirði þetta sumarið. Fjölmargar fjölbreyttar bæjar- og listahatíðir eru um allan kjálkann nánast hverja helgi í allt sumar. Til að nefna það helsta, en gleymi þá öruggulega einhverju og glöggir lesendur mega þá bæta því við, þá kemur hér yfirlit yfir bæjar- og listahátíðir á Vestfjörðum sumarið 2011.

2. - 5. júní Patreksfjörður
Sjómannadagshelgin - flottasta hátíðin er án efa á Patreksfirði, þar hefur markvist verið unnið að því að efla þennan merkilega dag sjómanna og hefur hátíðin bara stækkað.

10. - 12. júní. Patreksfjörður.
Skjaldborg hin einstaka heimildarmyndahátíð sem vakið hefur mikla athygli enda bara flott hátíð, heiðurgestur í ár er meistari Ómar Ragnarsson.

17. júní. Hrafnseyri við Arnarfjörð
Hvað er meira viðeigandi en vera á heimabæ Forsetans á fæðingardegi hans en í ár er kappinn 200 ára. Fjölbreytt hátíð m.a. mun yðar einlægur frumsýna leikverk um Nonna sem er sérstaklega saminn fyrir festivalið.

21. - 26. júní. Ísafjörður
Klassíska tónlistarhátíðin Við Djúpið vönduð dagskrá með intresant masterclössum - hátíð sem hefur fyrir löngu sannað gildi sitt og ágæti.

23. - 26. júní. Bíldudalur
Í ár er heil baun og þá er haldin hátíðin Bíldudals grænar baunir, dagskrá í höndum heimamanna og veðrið - það verður magnað enda veðursældin þar allra best á landinu öllu.

1 - 3. júlí. Hólmavík
Sjöunda árið í röð fara fram Hamingjudagar á Hólmavík, geggjað stuð.

1. -3. júlí. Dýrafjarðardagar
Dúndurskemmtileg fjölskylduhátið og næsta víst að þú hittir víkinga.

2. júlí Bolungarvík
Markaðsdagar eru skemmtilegir og í ár mun Listahátíðin Æringur setja svip sinn á markaðinn.

9. - 10. júlí. Selárdalur í Arnarfirði
Ef þú hefur ekki komið í Selárdal þá áttu mikið eftir. Eitt flottasta félag þjoðarinnar Félag um endurreisn listasafns Samúels í Selárdal blæs til menningarhátíðar í dalnum.

22. - 24. júlí. Tálknafjörður
Tálknafjör og þar verður pottþétt fjör.

6. ágúst. Holtsfjara í Öndundarfirði
Eitt af trompu hátíðanna. Sandkastalakeppni í Holti. Þarf að segja meira.

12. - 14. ágúst. Ísafjörður - Hrafnseyri Arnarfirði
Eina einleikjahátíð landsins og ein flottasta listahátíð landsbyggðarinnar ACT ALONE haldin áttundar árið í röð. Fjöldi innlendra og erlendra einleikja. OG það einleikna er að það er ÓKEYPIS INNÁ ALLAR SÝNINGAR HÁTÍÐARINNAR.

26. - 28. ágúst. Súðavík
Má ég kynna Bláberjadagar - þarna verður maður sko að vera.

Velkomin vestur og góða skemmtun í allt sumar.

Athugasemdir

[Ásthildur Cesil Þórðardóttir, 4.6.2011 kl. 12:07]

Frábær upptalning hjá þér, ég er ákveðin að fara að Hrafnseyri þann 17. júní.

[Elfar Logi Hannesson, 4.6.2011 kl. 21:09]

vissi að ég gleymdi einhverju Sæluhelgin á Suðureyri 8 - 10 júlí vel þessi virði að kikka þangað eitthvað fyrir alla familíuna.

[Bergljót Gunnarsdóttir, 4.6.2011 kl. 22:09]

Bíldudals grænar er tilhlökkunin í bili, en ég kemst ekki fyrr en eftir 17. júní Vestur.

Mun örugglega sækja einhverja aðra viðburði, en  sumarið klippist svolítið í sundur hjá okkur með utanlandsferð til London um miðjan júlí, en þar mun Hera Hilmarsdóttir, barnabarn Odds útskrifast úr leiklistarskóla. Stoltur afinn og stjúpmamma ætla að vera viðstödd.

[Elfar Logi Hannesson, 5.6.2011 kl. 12:13]

sjáumst á Bíldó og lukku með barnabarnið

[Ársæll Níelsson, 5.6.2011 kl. 14:38]

svo drullusparkið síðustu helgina í júlí, verslunarmannahelginni.

[Ásthildur Cesil Þórðardóttir, 5.6.2011 kl. 16:28]

Já einmitt Mýrarboltinn.

[Elfar Logi Hannesson, 5.6.2011 kl. 17:22]

já sem ég segi hver helgi nelgd fyrir vestan og ávallt eitthvað um að vera allt frá einleikjum til drullubolta