KÓMEDÍULEIKHÚSIÐ FÆR MONNÝPENINGA

Sumardagurinn fyrsti var mikill gleðidagur fyrir Kómedíu. Í gær var skundað til Hólmavíkur í sól og sumaryl til að taka á móti styrk. Oh, það er svo gaman að fá bréf þar sem stendur eitthvað annað en Því miður....Menningarráð Vestfjarða var semsagt að úthluta styrkjum til menningarverkefna á Vestfjörðum í gær. Kómedíuleikhúsið fékk styrki fyrir tvö verkefni. Leiklistarhátíðin Act alone fékk 700 þúsund og nýjasta leikverk Kómedíu, Búlúlala Steins öld, fékk 300 þúsund en leikurinn verður frumsýndur í maí. Alls voru 48 verkefni styrkt að þessu sinni til mjög fjölbreyttra verkefna allt frá kvikmyndum til grásleppuseturs. Það var virkilega gaman að sjá hversu fjölbreytt verkefni eru í gangi á Vestfjörðum og næsta víst að apparat á borð við Menningarráð Vestfjarða hefur sannað sig og eflt til muna menningar- og listalíf á Vestfjörðum.

Heimasíða Menningarráðs

http://www.vestfirskmenning.is

 

Athugasemdir

[Frænka á Akó (IP-tala skráð) 25.4.2008 kl. 14:35]

Sæll frændi mikið er gaman að heyra þetta, innilega til hamingju, þetta er sko tilefnin til að fagna  jibbía jeiiiii. Við hjónakornin erum að fara í leikhús í kvöld að sjá Dubbelduch já já maður er sko búin að fara 4 x í leikhús í vetur eitthvað annað en þegar við bjuggum í borginni .

knús á ykkur

kv Fænka og co á Akó

[Bjarni Þór (IP-tala skráð) 25.4.2008 kl. 17:48]

til lukku frændi. þú ert vel að styrkjunum kominn og vonandi opnar þetta allar styrkjagáttir.

[Ársæll Níelsson, 26.4.2008 kl. 05:33]

Frábærar fréttir. Til lukku með þetta ;)

[Elfar Logi Hannesson, 26.4.2008 kl. 18:52]

Takk Magga frænka já þú stendur þig betur en ég í leikhúsgóni er ekki búinn að sjá nema tvær sýningar á þessu leikári - Takk Bjarni líka frændi já það væri gaman ef fleiri Monnýkallar og konur kveikji á Kómedíunni - Leikhúsbróðir þakka þér