MYNDASYRPA ÚR JÓLASVEINAR GRÝLUSYNIR

Meistari ljósmyndaranna, Ágúst G. Atlason, var á sýningu Kómedíu á Jólasveinar Grýlusynir í gær. Að vanda var hann vel voppnaður og tók flottar myndir af ævintýri jólasveinanna. Kikkið bara á þessa slóð hér http://gusti.is/ljosmyndir/syrpur/145/6614

Takk fyrir Gústi

ÞVÖRUSLEIKIR VEIT AÐ HANS BÍÐUR ÞVARA SEM HANN FÆR AÐ SLEIKJA BARA

Þvörusleikir kom til byggða í nótt og hafði víst í nógu að snúast. Hann fékk þó góðgæti á nokkrum bæjum allavega fannst ein þvara ofan í Rice Krispís pakka í ónefnum húsi á Ísafirði. Þrátt fyrir annasama nótt mætti Þvörusleikir galvaskur í Tjöruhúsið í bítið og tók þátt í ævintýri bræðra sinna í jólaleikritinu Jólasveinar Grýlusynir sem krakkarnir á Eyrarskjóli sáu í morgun. Ævintýrið heldur áfram um næstu helgi en þá verður sýnt bæði á laugardag og sunnudag og hefjast sýningarnar klukkan 14. Miðasala er í fullum gangi á heimasíðu Kómedíu www.komedia.is Þvörusleikir syngur í leikritinu skemmtilega vísu sem er á þessa leið:

Þvörusleikir er nafnið mitt.

Ég dunda mér reyndar við þetta og hitt.

En mest þykir mér þó gaman,

þegar margir koma saman

og elda sér mat í potti,

þá fylgist ég með og glotti.

Ég veit þá að mín bíður þvara

sem ég fæ að sleikja bara

því ég heiti Þvörusleikir.

HANN ER JÓLASVEINN OG HEITIR STÚFUR OG ER ALVEG EINSTAKLEGA LJÚFUR

Það var mikið um að vera hjá Stúf í nótt en samkvæmt nýjustu fréttum þá náði hann að lauma einhverju í þá skó sem hafa tekið sér bólfestu í gluggakistum landsmanna. Stúfur kemur við sögu í jólaleikritinu Jólasveinar Grýlusynir sem verður sýnt í Tjöruhúsinu í dag kl.14. Stúfur tekur lagið líkt og bræður sínir í leikritinu og svona kveður stubburinn sá:

VÍSA STÚFS

Ég er jólasveinn og heiti Stúfur

og ég er alveg einstaklega ljúfur.

Ég læt nú ekki mikið á mér bera

en samt er ég þó ýmislegt að gera.

Þótt ég sé smár er margt mér lagt til lista

ég kann til dæmis feiknavel að tvista.

Þá beygi ég mig örlítið í hnjánum

og teygi síðan vel úr öllum tánum.

Um leið og jólatjútt- og tvist ég heyri,

þá tvista ég og allt um kollinn keyri.

Já ér er nú meri KALLINN!

Í Grýluhelli heppilegt það er

hversu lítið þar fer fyrir mér.

Ef einhver missir tölu undir borðið

þá beinist næstum alltaf til mín orðið.

,,Stúfur litli viltu hjálpa mér?"

Það er segi saga -

þá undir borð ég fer.

JÓLASVEINAR GRÝLUSYNIR Í TJÖRUNNI UM HELGINA

Sýningar á jólaleikritinu vinsæla Jólasveinar Grýlusynir hefjast í Tjöruhúsinu á laugardag. Leikurinn var frumsýndur í Tjörunni fyrir síðustu jól við frábærar undirtektir og var nýverið sýndur 11 sinnum á höfuðborgarsvæðinu en alls hefur leikurinn nú verið sýndur um 30 sinnum. Sýnt verður í Tjöruhúsinu næstu þrjár helgar á laugardögum og sunnudögum og hefjast sýningarnar kl.14. alla dagana. Miðasala fer fram á heimasíðu Kómedíuleikhússins www.komedia.is  undir liðnum Kaupa miða. Miðasölusímin Kómedíuleikhússins er 891 7025. Jólasveinar Grýlusynir er sprellfjörugur leikur um gömlu íslensku jólasveinana og ýmsum spurningum reynt að svara um þessa skrítnu kalla. Hvers vegna er Stúfur minnstur jólasveinanna? Af hverju er Stekkjastaur svona hár til hnésins? Var fjórtándi jólasveinninn til? Eru Askasleikir og Bjúgnakrækir tvíburar? Allt þetta og miklu meira fáum við að heyra um í sýningunni um Grýlusynina. Því inní ævintýrið fléttast allt annað ævintýri um nútíma unglingspilt sem hefur verið sendur til fjalla að leita að kúnni Búkollu. Jólasveinar Grýlusynir er bráðfjörugur jólaleikur með mikið af tónlist og almennu jólasveinasprelli að hætti gömlu íslensku jólasveinanna. Höfundar eru Elfar Logi Hannesson og Soffía Vagnsdóttir, Hrólfur Vagnsson semur tónlistina í leiknum, Marsbil G. Kristjánsdóttir hannaði og gerði jólasveinana og leikmyndina, ljósahönnuður er Jóhann Daníel Daníelsson og leikstjóri er Soffía Vagnsdóttir.

NÝ HLJÓÐBÓK - ÞJÓÐSÖGUR AF STRÖNDUM

Kómedíuleikhúsið hefur gefið út hljóðbókina Þjóðsögur af Ströndum. Þetta er fjórða hljóðbókin sem leikhúsið gefur út en hinar fyrri eru Þjóðsögur úr Vesturbyggð, Þjóðsögur úr Ísafjarðarbæ og loks Þjóðsögur úr Bolungarvík. Sú fyrsta er uppseld og aðeins eru örfá eintök eftir að Þjóðsögum úr Ísafjarðarbæ. Það má því með sanni segja að hljóðbækurnar hafi hitt í mark enda er hér um að ræða vandaða útgáfu á gömlu góðu íslensku þjóðsögunum.
Strandir eru mjög fægt og þekkt þjóðsagnasvæði þar sem álfar, draugar, tröll og ýmsar furðuverur hafa verið á sveimi lengur en elstu menn muna. Á þessari hljóðbók, Þjóðsögur af Ströndum, les Elfar Logi Hannesson, leikari, úrval sagna af Ströndum sem sótt eru í þjóðsagnasöfn Arngríms F. Bjarnasonar, Helga Guðmundssonar og Jóns Árnasonar. Sögunum er skipt niður í fimm flokka: Álfa- og huldufólkssögur, Draugasögur, Galdrasögur, Tröllasögur og loks Ýmsar sagnir. Þjóðlegu hljóðbækur Kómedíuleikhússins hafa fengið úrvals góðar viðtökur og víst er að Þjóðsögur af Ströndum er enn ein perlan í hljóðbókaútgáfu leikhússins. Hljóðbækur Kómedíuleikhússins fást  í vefverslunni á www.komedia.is . Einnig í verslunum Eymundsson, Galdrasafninu á Ströndum, Orkusteini á Ísafirði, Vegamótum á Bíldudal og víða um landið.

KÓMEDÍULEIKHÚSIÐ Í ÞJÓÐMENNINGARHÚSINU UM HELGINA

Kómedíuleikhúsið verður í Þjóðmenningarhúsinu á sunnudag, 7. desember. Sýndir verða tveir leikir úr smiðju leikhússins en gaman er að geta þess að frítt verður á báðar sýningarnar. Leikurinn hefst kl.14 þegar ævintýrið vinsæla Dimmalimm verður sýnt. Uppfærslan hefur notið mikilla vinsælda og hefur verkið nú verið sýnt um 70 sinnum bæði hér heima og erlendis. Seinni leikurinn verður svo á fjölunum í Þjóðmenningarhúsinu kl.16. Þar er um að ræða jólaleikritið Jólasveinar Grýlusynir sem er á leikferð í borginni þessa dagana. Og nú vita allir hvar þeir geta verið á morgun. Heimsókn í Þjóðmenningarhúsið á sunnudag verður sannarlega ævintýraleg og skemmtileg.

 

TAKK PALLI

Mikið er nú gott að búið sé að hætta við að hætta með svæðisútvörpin á landsbyggðinni. Enda var þetta eins og blaut tuska framan í okkur sem á landinu búa en kom manni svosem ekkert á óvart. Byrjað var að skera niður landsbyggðaútvörpin og morgunleikfimina, eitthvað segir manni nú að þetta séu nú ekki dýrustu póstarnir í rekstri Ríkisútvarpsins. Nær hefði verið að laga til launamunin hjá toppunum og svo má Rás tvö alveg missa sig, úps, sagði ég nú eitthvað sem má ekki. En þetta er bara mín skoðun hef aldrei verið fyrir þessa stöð og sérstaklega pirrar það mann þegar Rás tvö yfirtekur langbylgjuna. En allavega takk fyrir að svæðisútvörpin fái að lifa áfram.

Svæðissendingar halda áfram

ÞJÓÐLEGAR HLJÓÐBÆKUR

Kómedíuleikhúsið hefur verið að hasla sér völl á hljóðbókamarkaðnum með vandaðri útgáfu á þjóðlegum hljóðbókum. Um er að ræða gömlu íslensku þjóðsögurnar sem eru sóttar í hin ýmsu þjóðsagnasöfn. Þegar hafa verið gefnar út þrjár þjóðlegar hljóðbækur og í nóvember er von á þeirri fjórðu. Hljóðbækur Kómedíuleikhússins fást í Eymundsson um land allt og ýmsum verslunum og ferðamannastöðum. Einnig er hægt að panta þjóðlegu hljóðbækur Kómedíuleikhússins í vefverslun leikhússins www.komedia.is , verslun. Rétt er að geta þess að hljóðbækurnar eru sendar frítt hvert á land sem er. Þjóðlegu hljóðbækurnar eru sniðugar við hin ýmsu tækifæri hvort heldur í bifreiðina, vertrarbústaðinn eða við uppvaskið. Síðast en ekki síst eru hljóðbækurnar frábærar til gjafa t.d. í jólapakkann. Hér að neðan eru upplýsingar um þjóðlegu hljóðbækur Kómedíuleikhússins:

HLJÓÐBÆKUR

VÆNTANLEG Í NÓVEMBER
ÞJÓÐSÖGUR AF STRÖNDUM
Hljóðbók
Lesari: Elfar Logi Hannesson
Lengd: 93 mín.
Verð: 1.999.-kr (FRÍ HEIMSENDING)
Panta: [e-mail]
Strandir eru mjög fægt og þekkt þjóðsagnasvæði þar sem álfar, draugar, tröll og ýmsar furðuverur hafa verið á sveimi lengur en elstu menn muna. Á þessari hljóðbók les Elfar Logi Hannesson, leikari, úrval sagna af Ströndum sem sótt eru í þjóðsagnasöfn Arngríms F. Bjarnasonar, Helga Guðmundssonar og Jóns Árnasonar. Sögunum er skipt niður í fimm flokka: Álfa- og huldufólkssögur, Draugasögur, Galdrasögur, Tröllasögur og loks Ýmsar sagnir. Þjóðlegu hljóðbækur Kómedíuleikhússins hafa fengið úrvals góðar viðtökur og víst er að Þjóðsögur af Ströndum er enn ein perlan í hljóðbókaútgáfu leikhússins.



ÞJÓÐSÖGUR ÚR BOLUNGARVÍK
Hljóðbók
Lesari: Elfar Logi Hannesson
Lengd: 93 mín.
Verð: 1.999.- kr. (FRÍ HEIMSENDING)
Panta: [e-mail]
Á þessari hljóðbók les Elfar Logi úrval sagna úr safni fræðimannsins Finnboga Bernódussonar frá Bolungarvík. Sögurnar eru í bókinni Sögur og sagnir úr Bolungarvík sem naut mikilla vinsælda enda er bókin löngu uppseld. Bolungarvík er ekki stórt svæði en þar hefur margt merkilegt gerst enda skiptir stærðin sjaldan máli. Sögunum á þessari hljóðbók er skipt í þrjá flokka sem eru Dulræn fyrirbæri, Sjávarfurður og Tröllasögur. Þjóðsögur úr Bolungarvík er sannkölluð perla í þessari hljóðbókaútgáfu Kómedíuleikhússins enda er hér á ferðinni vönduð útgáfa þjóðsagna að vestan.

ÞJÓÐSÖGUR ÚR ÍSAFJARÐARBÆ
Hljóðbók
Lesari: Elfar Logi Hannesson
Lengd: 92. mín.
Verð: 1.999.- kr. (FRÍ HEIMSENDING)
Panta: [e-mail]
Ísafjarðarbær er stórt og mikið sagnasvæði sem nær allt frá Dýrafirði til Hornstranda. Á þessari hljóðbók les Elfar Logi Hannesson, leikari, úrval magnaðra þjóðsagna úr Ísafjarðarbæ. Sögurnar eru alls 33 og er skipt niður í fimm þjóðsagnaflokka: Álfa- og huldufólkssögur, Draugasögur, Galdrasögur, Skrímslasögur og Tröllasögur. Þjóðsögur úr Ísafjarðarbæ er vönduð útgáfa sem inniheldur einstakan sagnaarf í vönduðum flutningi.


ÞJÓÐSÖGUR ÚR VESTURBYGGÐ
Uppseld hjá útgefanda en gæti verið fáanleg á hinum ýmsum sölustöðum hljóðbóka Kómedíuleikhússins t.d. í Eymundsson, Flakkaranum á Barðaströnd og í Sælukjallaranum á Patreksfirði.
Hljóðbók
Lesari: Elfar Logi Hannesson
Lengd: 99. mín.
Verð: 1.999.- kr.
Panta: Uppseld hjá útgefanda
Vesturbyggð er mikið sagnasvæði þar hafa skrímsli, tröll, álfar og ýmsar furðuverur verið á sveimi svo elstu menn muna. Á þessari hljóðbók les Elfar Logi Hannesson, leikari, úrval þjóðsagna úr Vesturbyggð. Alls eru fluttar 33 sögur og er þeim skipt niður í fimm þjóðsagnaflokka: Álfa- og huldufólkssögur, Draugasögur, Galdrasögur, Skrímslasögur og Tröllasögur. Hér er á ferðinni vönduð útgáfa sem inniheldur einstakan sagnaarf í vönduðum flutningi.

FRÍ HEIMSENDING Í VEFVERSLUN KÓMEDÍU

Vefverslun Kómedíuleikhússins www.komedia.is  hefur verið að stækka hægt og rólega enda sígandi lukka best. Á næstu dögum er fjórða hljóðbók Kómedíu væntanleg og sem fyrr höldum við okkur við þjóðsögurnar. Nú er röðin komin að Þjóðsögum af Ströndum en einsog margir vita eru Strandirnar mikið þjóðsagnasvæði þar sem álfar, draugar, tröll og ýmsar furðuverur hafa verið á flakki lengur en elstu menn muna. Nýja hljóðbókin fæst í Vefverslun Kómedíu www.komedia.is ásamt hinum hljóðbókunum og ýmsum útgáfuverkum leikhússins. Nú fá allir viðskiptavinir Kómedíu Fría heimsendingu á þeim vörum sem þeir versla í gegnum vefinn. Það er auðvelt að panta þú sendir okkur bara tölvupóst og við sendum vöruna um hæl. Góða verslun.

PÉTUR OG EINAR Í KVÖLD

Einleikurinn um frumkvöðlana Pétur Oddsson og Einar Guðfinnsson verður sýndur í Einarshúsi í kvöld, fimmtudagskvöld kl. 20:00. Þar fer Kómedíuleikarinn á kostum í frábæru verki sem skrifað er af Soffíu Vagnsdóttur en þar er saga athafnamanna í Bolungarvík sveipuð ævintýraljóma. Leikurinn er í senn samofinn sögu sorgar og gleði en mikil saga harma og hamingju býr í hverri fjöl hússins. Léttleiki er þó einkennandi fyrir einleikinn og söngur og gleði allsráðandi. Miðapantanir í Einarshúsi í Bolungarvík einnig er hægt að senda tölvupóst á Vertinn í Víkinni [e-mail] Rétt er að geta þess að miðaverð á Pétur og Einar er aðeins 1.500.-kr og hefur ekkert hækkað frá því leikurinn var frumsýndur fyrr í sumar.