21 SÝNING Á 20 DÖGUM

Leikferð Kómedíuleikhússins er lokið og er óhætt að segja að leikferðin hafi verið skemmtileg kómedía. Kómedíuleikhúsið ferðaðist um noður-austur- og suðurland með einleikina Gísli Súrsson og Dimmalimm. Leikferðin stóð yfir í 20 daga og var obbulítið meira en ein leiksýning á dag eða 21 styki. Kómedíuleikhúsið er hæst ánægt með árangurinn og frábærar viðtökur. Kómedíuleikarinn er nú komin vestur á fjörður aftur. Ekki á þó að leggjast í kör því nú hefjast æfingar að fullum krafti að tveimur sýningum. Fyrst ber að nefna Jónasardagskrána Ég bið að heilsa sem verður frumsýnd Við pollinn á Ísafirði 7. nóvember. Þar munu Elfar Logi og Þröstur Jóhanesson flytja ljóð Jónasar Hallgrímssonar í tali og tónum en leikurinn er fluttur í tilefni af 200 ára afmæli listaskáldsins góða. Síðast en ekki síst hefjast æfingar á jólaeinleiknum Jólasveinar Grýlusynir sem verður frumfluttur 17. nóvember í Tjöruhúsinu á Ísafirði. Elfar Logi leikur og er höfundur ásamt Soffíu Vagnsdóttur sem einnig leikstýrir. Tónlist semur Hrólfur Vagnsson. Ekki má gleyma Aumingja litla ljóðinu sem Kómedíuleikhúsið sýnir á laugardaginn á ljóðahátíðinni Glóð á Siglufirði. Semsagt Kómískt og skemmtilegt ástand í herbúðum Kómedíuleikhússins.

P.s. Kómedíuleikhúsið fangar enn einni endurútgáfu bókarinnar Dimmalimm og sérílagi að nú sé hún einnig fáanleg í pólskri þýðingu. Og hér eru þau Dimmalimm og Pétur í einleik Kómedíu Dimmalimm.

39 BÆIR OG 3 LÖND

Kómedíuleikhúsið hefur verið á heilmiklu ferðalagi um landið í haust með Gísla Súra og Dimmalimm í farteskinu. Kómedíuleikarinn sem er mikið fyrir allrahanda óþarfa og öðruvísi bókhald einsog að rita hjá sér allar bækur sem hann hefur lesið og líka kvikmyndir og gefa þeim stjörnur. Einnig hefur hann skráð samviskulega niður allar sýningar Kómedíuleikhússins þar sem fram kemur hvar og hvenær og hve margir gónendur hverju sinni. Í þessu sýningarbókhaldi kemur fram að Kómedíuleikhúsið hefur verið nokkuð víðförult á þeim tíu árum sem leikhúsið hefur starfað. Kómedía hefur sýnt á hvorki fleiri né færri en 39 bæjum á Íslandi allt frá Borðeyri til Reykjavíkur. Þá hefur Kómedíuleihúsið þrívegis farið útfyrir landsteinana með sýningar sínar til Albaníu, Lúxembúrgar og Þýskalands. Leikhúsið stefnir að því að fjölga bæjum og löndum ennfrekar á komandi tímum.

Kómedía hefur nokkrum sinnum sýnt í þessum bæ.

FLOTT Á FLÚÐUM

Í morgun sýndi Kómedíuleihúsið Gísla Súrsson í Félagsheimilinu á Flúðum og var þetta sýning no. 160 á útlaganum Gísla. Þetta var í fyrsta sinn sem Kómedíuleikhúsið sýndi á þessum fallega stað og vert er að geta þess sem flott er. Í raun finnst skrásetjara alltof lítið gert að því að geta þess sem er flott og sem er gott það negatíva virðist alltaf hafa vinningin. Einhver spekingur sagði eitt sinn að ástæðan sé sú að neikvæðar fréttir selja miklu betra en þær jákvæðu og hefur hann án efa rétt fyrir sér. Kómedíu finnst hins vegar miklu skemmtilegra að segja frá jákvæðum hlutum og hér kemur ein slík tilkynning. Um er að ræða Félagsheimilið á Flúðum mikið er þetta nú flottur samkomustaður og nánanst allt til fyrirmyndar. Á ferðalagi sínu um landið síðustu ár hefur Kómedía sýnt hér og þar og allsstaðar og þar með oft í félagsheimilum. Það verður að viðurkennast að mörg félagsheimilin eru ekki uppá marga fiska og ástæðan er sú að þessi heimili hafa bara verið vanrækt. Það virðist einfaldalega vanta fjármagn til að halda þessum flottu húsum í standi. Samt eru menn uppteknir við að smíða menningarhús útum allt sem er reyndar mjög gott mál en hvað á þá að gera við félagsheimilin. Þau virðast bara hafa gleymst. Á vestfjörðum er t.d. fullt af félagsheimilum og mörg þeirra eru í frekar slöppu ásigkomulagi og er líka notkunin eftir því. Nefnum sem dæmi Félagsheimilið í Hnífsdal stórt og mikið hús með stóru leiksviði, svipað stórt og Iðnó sviðið, og alles. Þetta hús er aðallega notað undir fatamarkaði og flugeldasölu og svo nokkur þorrablót. Þetta er alveg synd en tíminn er bara þannig núna að félagsheimilin eru úti og virðast vera húsbóndalaus. Mikið væri nú gaman ef eitthvað yrði gert við þessi hús annað en að halda þar markaði sem eru reyndar fínir en það þarf nú kannski ekki heilt félagsheimili undir geisladiskasölu. En hættum nú rausi. Við vorum að tala um Félagsheimilið á Flúðum húsbóndinn þar hefur ekki gleymt sér því öll aðstaða þarna er til mikillar fyrirmyndar. Fyrir það fyrsta er húsið mjög snyrtilegt, það eru ljóskastarar til staðar einir 20 eða svo og fullkomið ljósborð. Mótökurnar voru líka góðar og er alltaf gaman að koma á stað þar sem tekið er á móti þér með bros á vör. Ekki spillti að boðið var uppá kaffi og kandís fyrir og eftir sýningu. Kómedíuleihúsið sendir bestu kveðjur á Flúðir með þökk fyrir afnotin á félagsheimilinu.

Til gamans er hér birt mynd úr myndasafni Kómedíu. Hér er Kómedíuleikarinn við æfingar á einleiknum Mugg í Félagsheimilinu Baldurshaga á Bíldudal og er rétt að geta þess að það heimili hefur góðan húsbónda.

AUMINGJA LITLA LJÓÐIÐ

Kómedíuleikhúsinu hefur verið boðið á ljóðahátíðina Glóð með ljóðaleikinn Aumingja litla ljóðið eftir Hallgrím Oddsson. Hátíðin verður haldin dagna 18. - 20. október á Siglufirði en það er einmitt ungmennafélagið Glói á Siglufirði sem stendur fyrir ljóðahátíðinni í samstarfi við Herhúsfélagið og Þjóðlagasetur Séra Bjarna Þorsteinssonar. Aumingja litla ljóðið verður á dagskránni laugardagskvöldið 20. október og hefst sýningin kl.19.30. Meðal annarra gesta á ljóðahátíðinni eru Sigurður Skúlason, leikari og ljóðskáld, og Þórarinn Torfason, ljóðskáld. Sérstaka athygli vekur að aðgangur að hátíðinni er ókeypis og öllum opin. Ljóðaleikur Kómedíuleikhússins Aumingja litla ljóðið hefur verið sýndur nokkrum sinnum vestra m.a. á Krikjubóli í Önundarfirði sem mætti með réttu kalla Ljóðaból Vestfjarða því þar bjó eitt helsta skáld Vestfirðinga Guðmundur Ingi Kristjánsson. Leikurinn var einnig sýndur á leiklistarhátíðinni Act alone í sumar. En þetta er í fysta sinn sem leikurinn fer útfyrir kjálkann. Í leiknum er fjallað um stöðu ljóðsins allt frá upphafi til vorra daga og eru fjölmörg ljóð úr smiðju vestfirskra skálda í verkinu m.a. eftir Guðmund Inga, Stein Steinarr og Steingerði Guðmundsdóttur. Höfundur er Hallgrímur Oddsson og að vanda er það Kómedíuleikarinn Elfar Logi Hannesson sem leikur.

Hér kemur mynd sem var tekin á sýningu á Ljóðabóli Vestfjarða.

GÍSLI FÆR 10 Í EINKUNN FRÁ FELLASKÓLA

Kómedíuleikhúsið var á ferðinni um austfirðina um daginn og sýndi meðal annars Gísla Súrsson í Fellaskóla í Fellabæ. Undirtekir voru ljómandi góðar eða einsog segir á heimasíðu skólans: 

,,Það má með sanni segja að Gísli Súrsson hafi slegið í gegn í túlkun Elfars Loga Hannessonar. Skemmtileg blanda af nútíma- og forníslensku, kryddað með góðum skammti af kímni féll svo sannarlega í kramið hjá nemendum í 3.-10. bekk. Spennan var heldur ekki langt undan og á köflum mátti heyra saumnál detta í salnum. "

Kómedíuleikhúsið þakkar góð orð og vonast til að sjá ykkur aftur sem allra fyrst.

GÍSLI HERJAR Á HÖFUÐBORGINA OG GERIR ALLT VITLAUST

Einleikurinn Gísli Súrsson er kominn til höfuðborgarinnar og verður þar í útlegð næstu tvær vikurnar. Fyrsta sýning verður í fyrramálið í Árbæjarskóla kl. 945 já já Gísli er árrisull að vanda enda vestfirskur víkingur. Næstu daga verða svo fleiri skólasýningar á Gísla en leikurinn hefur verið sýndur í skólum vítt og breytt um landið síðan í febrúar 2006 og eru nú sýningar alveg að nálgast 160 en sýningin á morgun er no. 158. Hlýtur það að teljast nokkuð gott í nútíma leikhússýningarbókhaldi þar sem samkeppnin við blessað sjónvarpið er alltaf jafnfjörugt. En einsog einhver góður maður eða var það kannski kona sem sagði Leikúsið er list augnabliksins. Eimitt það greinir það frá sjónvarpinu og kvikmyndunum. Aðeins verður ein almenn sýning á Gísla Súrssyni í þessari borgarferð. Hún verður föstudaginn 12. október kl.20 í Möguleikhúsinu við Hlemm. Gísli Súrsson verður ekki aftur í borginni fyrr en í lok febrúar á næsta ári það væri því ekki vitlaust fyrir skólana að panta eina sýningu snöggvast því Gísli hefur alltaf tíma. Um að gera að senda emeil snöggvast á Kómedíu og panta eitt stykki Gísla.

Mynd dagsins er af hinum stórglæsilega Haukadal í Dýrafirði þar sem Gísli súri og familý tóku land og stór hluti sögunnar gerist.

EKKI BARA ATVINNULEIKHÚS Á AKUREYRI

Af gefnu tilefni og til áréttingar skal geta þess að það eru þrjú atvinnuleikhús utan höfuðborgarsvæðisins. En í leikskrá Leikélags Akureyrar, sem er eitt af þessum þremur leikhúsum, fyrir leikritið Óvitar bls. 41 stendur m.a.: ,,Leikfélag Akureyrar er eina atvinnuleikhúsið utan höfuðborgarsvæðisins." Vissulega er Leikfélag Akureyrar elsta og stærsta atvinnuleikhúsið á landsbyggðinni en það eru tvö önnur atvinnuleikhús starfandi þó þau séu lítil. Þau eru Kómedíuleikhúsið á Ísafirði og Frú Norma á Egilsstöðum. Í þessum þremur leikhúsum starfar atvinnufólk bæði leikarar og listrænir stjórnendur og þess vegna eru þau skilgreind sem atvinnuleikhús. Hafa skal það sem rétt reynist. Nú fer Kómedíuleikhúsið ekkert í rosa fílu út af þessu enda er þetta sjálfsagt bara eitthvað sem hefur skolast til við gerð leikskrárinnar á Óvitum það hafi einfaldlega verið óvitaskapur. Rétt er að taka það fram að leikskráin sjálf er annars sérlega vönduð og vel gerð í alla staði. En einsog leikhúsfólk hefur tekið eftir þá hafa nú leikskránar verið að þynnast mikið með árunum. Að lokum sendir Kómedíuleikhúsið kærar kveðjur til hinna tveggja atvinnuleikhúsanna á landsbyggðinni, Leikfélags Akureyrar og Frú Normu á Egilsstöðum. Eflum atvinnuleiklist á landsbyggðinni.

KÓMEDÍA UNDIRBÝR 200 ÁRA AFMÆLI Á ÍSÓ

Kómedíuleikhúsið í samstarfi við Þröst Jóhannesson tónlistarmann vinnur nú að sérstakri afmælisdagskrá á Ísafirði. Tilefnið er 200 ára fæðingarafmæli listaskáldsins góða, Jónasar Hallgrímssonar en einsog alþjóð veit þá er afmælisdagur skáldsins 16. nóvember. Um er að ræða veglega dagskrá þar sem ljóðum úr smiðju skáldsins verður gert skil í tali og tónum en yfir 20 ljóð verða flutt. Dagskráin ber nafn eitt af ástsælustu ljóða Jónasar, Ég bið að heilsa, en meðal annarra ljóða í dagskránni má nefna Vísur Íslendinga, Móðurást, Ferðalok og Gunnarshólmi. Afmælisdagskráin Ég bið að heilsa verður frumsýnd miðvikudaginn 7. nóvember kl.20 á veitingastaðnum Við Pollinn á Ísafirði sem er staðsettur á Hótel Ísafirði. Önnur sýning verður svo viku síðar eða miðvikudaginn 14. nóvember kl.20. Miðasala er þegar hafinn. Miðapantanir eru í síma 456 3360 einnig er hægt að senda tölvupóst á Kómedíuleikhúsið á netfangið [e-mail]

15 LEIKSÝNINGAR Á 10 DÖGUM

Í dag lýkur leikferð Kómedíuleikhússins um austurland með sýningu í Fellaskóla á Egilsstöðum. Leikhúsið hefur síðustu tvær vikur verið á ferð um norður og austurland með Gísla Súrsson og Dimmalimm. Það hefur verið í nógu að snúast því á 10 dögum hafa verið sýndar 15 leiksýningar og hlýtur það að teljast dágott sérrílagi þegar er verið að tala um tvo einleiki og hvað þá að sami leikarinn leikur í þeim báðum. Kómedíuleikarinn er þó ekkert orðin lúinn að eigin sögn enda þrjóskur vestfirðingur með eindæmum og ofvirkur í ofanálag. Kómedíuleikhúsið hefur einu sinni áður farið í leikferð um norðurland en þá bara með Gísla Súrsson. Hins vegar hefur leikhúsið aldrei farið leikferð um austurland fyrr en nú og hefur ferðin því verið einstaklega skemmtileg. Það má segja að það séu forréttindi að geta ferðast svona um landið sitt og alltaf kemst maður að sömu niðursöðu: Af hverju hefur maður ekki skoðað Ísland meira. Andstæðurnar eru líka svo rosalega við komum að vestan og höldum norður og þar er allt öðruvísi en hjá okkur fjöllin og meira að segja tungumálið þ.e. norðlenski hreimurinn. Austrið er síðan allt örðu vísi en norðurlandið. Rosalega stór og mikil fjöll og maður vissi það ekki fyrr en nú að sennilega er veturinn mun harðari hér en fyrir vestan. Maður sem hélt alltaf að vestfirðirnir væru vetrastaður landsins en svo virðist ekki vera austrið hefur vinninginn í snjóbísnesnum og mér finnst það nú bara allt í lagi. Er ekkert voða skotinn í þessum snjó meira að segja hættur að fara á skíði þannig að gott mál höfum snjóinn bara hér. Þegar maður ferðast svona um landið fær maður líka gott tækifæri til að kynnast gistihúsum og hótelum á hverjum stað. Kómedían hefur nú þurft að gista nokkur hús á þessari ferð og almennt eru þau bara hugguleg og kósí. Reyndar mætti nú kannski aðeins pæla í að hafa dagblöð uppi en það hefur reyndar verið soldið erfitt að komast í þau á þessari ferð á kaffihúsum og svoddan. Enda svosem nóg að sjá með því að gæast útum gluggann einsog sagir í laginu góða. Á flestum stöðum er morgunmatur innfalinn í gistingunni og reyndar er það svo að á flestum stöðum er hann eins. Nema á einum og fær sá staður hæstu einkunn líka fyrir herbergið en þar getur maður meira að segja helt sér uppá Gevalia neskaffi eða fengið sér Swissi missi. Og vinningshafinn er Gistihúsið Egilsstöðum. Kómedíuleihúsið þakkar öllum skólum fyrir norðan og austan fyrir góð kynni á stíðustu tveimur vikum sjáumst sem fyrst aftur. Nú liggur leiðin í höfuðborgina þar sem Gísli Súrsson ætlar að herja á skólana þar næstu tvær vikur.

Mynd dagsins er af skipinu GÍSLI SÚRSSON frá Grindavík. Það er útgerðafélagið Einhamar sem gerir Gísla út og nýlega festu þeir kaup á nýju skipi sem heitir ja nema hvað Auður Vésteinsdóttir. KómedíuGíslil sendir SkipaGísla kveðju með von um góðan afla.

GÍSLI SÚRI ÆTTI AÐ FARA Í ALLA SKÓLA LANDSINS

Kómedíuleikhúsið er enn á leikferð um austurland og í dag voru sýndar tvær sýningar báðar í Grunnskóla Reyðarfjarðar. Dimmalimm hóf leikinn kl.8 í morgun og Gísli Súrsson tók svo við kl.10. Á Gísla sýningunni var þétt setinn bekurinn en skólinn var svo rausnarlegur að bjóða eldri borgurum Reyðarfjarðar á sýningunna og var það vel til fundið. Allir skemmtu sér hið besta og þá ekki síst Kómedíuleikarinn. Það er óhætt að segja að Kómedíuleikhúsinu hafi verið frábærlega vel tekið á þessari leikferð um landið bæði af nemendum, kennurum og heldri borgurum. Kómedíuleikaranum hlýnaði mikið um hjartaræturnar þegar einn kennarinn sagði að,, það ætti bara að skylda skólana til að taka sýninguna um Gísla Súrsson. Þetta er alveg mögnuð sýning og mikilvægt að krakkarnir fái tækifæri til að sjá sýninguna." Annar kennari á góðum aldri sagði eftir sýningu á Gísla: ,,Þetta er besta leikrit sem ég hef séð." Alltaf gott að fá klapp á bakið og sérlega líst Kómdíuleikhúsinu vel á þá hugmynd að Gísli ætti að fara í alla skóla landsins það væri sko skemmtilegt verkefni. Já það er óhætt að segja að Gísli hafi rúllað vel hann hefur nú verið sýndur um 160 sinnum og vonandi erum við bara rétt að byrja. Enda eru Íslendingasögurnar svo magnaðar að mikilvægt er að vinna með þær og gera þeim skil á leiksviðinu sem og í myndlist eða öðrum listum. Á morgun verða Dimmalimm og Gísli á fjölunum á Eskifirði og hefst leikurinn kl.10 í fyrramálið.

Mynd dagsins er Íslenskir einleikir. Þetta er mynd af kápu samnefndrar bókar sem Kómedíuleikhúsið gaf út og inniheldur 11 leiki allt frá Gísla Súra til Hins fullkomna jafningja. Þeir sem vilja festa kaup á þessu einstaka riti geta sent tölvupóst á Komedíu [e-mail] og verðið er náttúrulega alveg einleikið eða 1.500 kall.