89 DAGAR Í ACT ALONE Á ÍSAFIRÐI

Við höldum áfram að telja niður dagana í Act alone leiklistarhátíðina á Ísafirði. Act alone 2008 verður haldin dagana 2. - 6. júlí og verður boðið uppá um 20 leiksýningar og margt fleira einleikið. Fjölmargar nýjungar verða á Act alone 2008 enda er það vel við hæfi þar sem hátíðin fagnar nú fimm ára afmæli. Meðal nýjunga má nefna að nú verður einnig boðið uppá danssýningar og að sjálfsögðu eru það eins manns/konu sýningar enda Act alone helguð einleiknum. Boðið verður uppá þrjár danssýningar á Act alone. Á næstunni verður sagt frá sýningum hátíðarinnar á Act alone síðunni www.actalone.net sem og sagt frá ýmsum nýjungum ofl ofl. Fylgist því vel með á www.actalone.net

SÁ KÓMÍSKI ER HANDY STRUMPUR

Kómedíuleikarinn er einn af þeim fjölmörgu sem hafa þreytt Strumpaprófið vinsæla og hér kemur niðurstaðan:

 You are Handy Smurf. You are a creative, inventive, and self-sufficient individual. You show imagination in the things you do and like to explore new ideas. Some may think you become too involved in your work, but you simply want to make the world a better place and time is of the essence. Your dedication and hard work is its own reward for you - although others benefit too. People like you change the world!

 

NÝ HLJÓÐBÓK VÆNTANLEG

Kómedíuleikhúsið vinnur nú að útgáfu hljóðbókar sem er jafnframt þriðja hljóðbók leikhússins. Leikhúsið heldur áfram að vinna með gömlu góðu þjóðsögurnar og nú eru það Þjóðsögur úr Bolungarvík. Sögurnar eru úr safni Finnboga Bernódussonar sem voru gefnar út á bók úr heitinu Sögur og sagnir úr Bolungarvík. Bókin er löngu uppseld og því má segja að þessi útgáfa Kómedíuleikússins á hljóðbókinni Þjóðsögur úr Bolungarvík verði vel tekið og ákaft fagnað. Enda eru hér á ferðinni fjölbreyttar sögur úr víkinni allt frá draugasögum til tröllasagna. Það er Kómedíuleikarinn sem les sögurnar inn en alls eru 22 sögur á hljóðbókinni. Upptökum á hljóðbókinni er ný lokið og er hljóðbókin væntanleg í hús í lok mánaðarins. Þangað til er hægt að hlusta á fyrri hljóðbækur Kómedíuleikhússins Þjóðsögur úr Vesturbyggð og Þjóðsögur úr Ísafjarðarbæ. Hægt er að panta hljóðbækur Kómedíu á heimasíðunni www.komedia.is Einnig eru hljóðbækurnar til sölu í Pennanum og Eymdunsson sem og á ýmsum stöðum á Vestfjörðum t.d. í vefverzlun Galdrasafnsins.  

HVAÐ MEÐ ÍSAFJÖRÐ? 4 KONSERTINN ÞAR?

Mikið væri nú gaman að fá Þursana líka hingað vestur á Ísafjörð. Hvað segið þið um það Þursar? Húsnæði á staðnum og alveg fullt af gónendum sem kæmu enda mikið af aðdáendum hér einsog útum allt land. Fengjuð pottþétt fullt hús. Vona að þið lesið þetta og haldið fjórða konsertinn á Ísafirði.

Þriðju Þursatónleikunum bætt við

MEISTARI KVEÐUR

Charlton Heston var einn af þessum ekta stórleikurum Hollywoodborgar. Leikari sem yfirleitt valdi verkefni sín vel. Mörgum minnisstæður fyrir Ben Húr en fyrir þeim Kómíska er það einkum myndin Apaplánetan sem stendur upp úr. Sá hana á Beta spólu í Birkihlíðinni á Bíldó og mikið fannst manni tilkoma þetta var allt svo raunverulegt. Aparnir flottir og maður var alveg að kaupa þetta. Hef reyndar ekki séð ræmuna síðan þá og ætla mér ekki að gera það í ótta við að sjarminn hverfi. Heston lék líka í nokkrum velheppnuðum vestrum og var bara flottur kúreki. Þó kappinn sé horfinn okkur nú höfum við alltaf myndirnar hans þó maður láti Apaplánetuna vera.

Charlton Heston látinn

ALVÖRU TÓNLEIKAÁR

Það er bara ekkert annað, meistari Paul Simon á leið til landsins. Þetta stefnir í að vera glæsilegt tónleikaár hér á landi fyrst bárust fréttir af Eric Clapton svo Bob Dylan og nú Paul Simon. Hann Palli Sæm er aldeilis flottur músíkant og samstarf hans við Art Garfunkel gaf af sér margan smellinn gott ef þeir eru ekki bara besta tónlistardúóið í dægurlagaheiminum. Palli var nú að ég held aðalheilinn í því samstarfi einsog hefur kannski komið í ljós þegar þeir slitu samstarfi og hófu sólóferilinn. Palli án efa vinninginn þar því plötur Garfkunkel hafa ekki hitt í mark aðeins örfá lög hafa náð vinsældum hann hefur hinsvegar eitthvað verið að dútla við kvikmyndaleik. Garfkunkel er hinsvegar mikill bókaormur einsog sjá má á heimasíðu kappans þar sem hann skráir samviskusamlega niður þær bækur sem hann hefur lesið og gefur þeim smá krítik. Gott af vita af því að fleiri en Kómedíuleikarinn dudda við það að skrá niður lesefni náttborðsins. Því miður verður sá Kómíski að segja pass við tónleikum Palla þar sem leiklistarhátíðin Act alone hefst daginn eftir tónleika þann 2. júlí og að fenginni reynslu þá er nú margt sem gengur á fyrir það ævintýri. Í staðinn verður maður bara að hlusta á diskana með Palla og kannski sérrrílagi tónleika þeirra félaga í Central Park árið 1980 eða 81 man ekki alveg. Diskurinn sá er án efa einn allra besti tónleikadiskur sem gefin hefur verið út.

Paul Simon með tónleika á Íslandi

VESTFIRSKUR HÚSLESTUR - GESTUR PÁLSSON

Á laugardaginn, 5. apríl, verður Kómedíuleikhúsið og Bókasafnið á Ísafirði með hinn vinsæla Vestfirska húslestur. Að þessu sinni er það skáldið Gestur Pálsson sem er skáld mánaðins. Á vefnum www.vestfirdir.is er fjallað um skáldið og segir þar m.a.: ,,Gestur Pálsson fæddist árið 1852 á Miðhúsum á Reykjanesi í Reykhólahreppi og hefur honum verið reistur minnisvarði við þjóðveginn ofan við bæinn. Gestur var einn af frumkvöðlum raunsæisstefnunnar á Íslandi og fékkst jafnt við smásagna-, ljóða- og skáldsagnagerð." Það er Kómedíuleikarinn sem mun lesa úr verkum skáldsins og Jóna Símonía Bjarnadóttir fjallar um ævi hans. Mun leikarinn meðal annars lesa úr einni þekktustu smásögu Gests Pálssonar Grímur Kaupmaður deyr. Húslesturinn hefst að vanda kl.14 og verður einsog áður segir á laugardaginn 5. apríl í Gamla sjúkrahúsinu á Ísafirði og er aðgangur ókeypis.

AÐ GEFNU TILEFNI - WHOOPI GOLDBERG KEMUR EKKI Á ÍSÓ Í SUMAR

Kómedía tók þátt í hinum árlega platdegi Íslendinga í gær 1. apríl. Gabbið var að gamanleikkonan Whoppi Goldberg væri aðalgestur Act alone 2008 og stigi á stokk með einleik úr sínum fórum en Whoopi hóf ferilinn sem einleikari einsog svo margir aðrir snillingar. En semsagt Whoopi Goldberg kemur ekki á Act alone á Ísafirði þetta árið. Hinsvegar er rétt að geta þess að öllu gríni fylgir einhver alvara einsog maðurinn sagði hér í denn - Kómedíuleikarinn hefur nefnilega verið með Whoppi á einleikna Act alone listanum um drauma kandidata á hátíðina en hefur hinsvegar ekki sent dömunni ímeil. Hver veit hvað framtíðin ber í skauti sér kannski á Whoopi Goldberg eftir að heimsækja Ísafjörð í náinni framtíð. Þangað til verðum við að sætta okkur við að horfa bara á kvikmyndir með henni.

WHOOPI GOLDBERG Á ACT ALONE 2008

Aðalgestur Act alone leiklistarhátíðarinnar á Ísafirði verður stórleikkonan Whoopi Goldberg. Viðræður hafa staðið yfir við leikkonuna í allan vetur og loksins hafa samningar milli Whoopi og Act alone tekist. Whoopi Goldberg mun sýna einleik sinn The Spook Show sem er einn allra vinsælasti leikur hennar. Leikurinn var sýndur á Broadway 1984-1985 yfir 150 sinnum og alltaf fullt hús. Það var einmitt í þessari sýningu sem Whoopi vakti fyrst almenna athyli og hlaut í kjölfarið hlutverk hjá Steven Spielberg í kvikmyndinni The Color Purple og var hún tilnefnd til Óskarsverðlauna fyrir hlutverkið. Whoopi er einn fremsti einleikari heimsins í dag og er jafnan nefnd á sama tíma og einleikarinn og Actalónarinn Eric Bogosian sem sýndi á Act alone 2006. Whoopi Goldberg er þó einkum þekkt á hvíta tjaldinu og hefur leikið í myndum á borð við Jumpin' Jack Flash, Clara's Heart, Ghost, Sister Act ofl ofl. Whoopi hefur fjóru sinnum verið kynnir Óskarsverðlauna við góðan orðstýr. Það er óhætt að segja að koma Whoopi Goldberg á Act alone er stórviðburður enda á leikkonan fjölmarga aðdáendur hér á land. Aðgangur að Act alone er ókeypis og því nokkuð víst að bekkurinn verði þéttsetinn þegar Whoopi stígur á svið en hún mun opna Act alone hátíðina 2. júlí. En rétt er að geta þess að Whoopi mun dvelja á Ísafirði alla hátíðina. Á morgun verður birt einkaviðtal Kómedíuleikhússins við Whoopi Goldberg á Act alone vefnum.

 

700 HÁTÍÐARKVEÐJUR FRÁ ÍSÓ

Hef sagt það áður en einsog einhver sagði aldrei er góð vísa of oft kveðin, hátíðir á landsbyggð eru málið. Hér eru á ferðinni einstök verkefni útum allt land allskonar hátíðir rokk, leiklist, kvikmyndalist, mýrarbolti, klassík osfrv. Er nokk viss um að ein hátíð t.d. 700Is sem er alltaf að stækka geti skapað beint 2 störf og óbeint alveg helling það eru gistiheimilin, Flugfélagið, pöbbarnir, veitingastaðir, gjafavöruverslanir, kaffihús, apótekin, bókabúðin við brúnna og já bara allir sem eru í bisness. Landsbyggðin á mikla möguleika í lista- og menningarhátíðum sem og í listum almennt.

700IS í fullum gangi